مطر .... قصيدة للشاعر / محمد وهبي الشناوي

قصيدة": " مطر "

****************

مطر مطر
مطر مطر مطر
مطر مطر
 مطر مطر مطر

وف ليله
 من ليالى المطر

وكان عندي
 معاد ويا السفر

هبت ريح
 والشباك انكسر

صرخت بنتى
واناقلبى انفطر
 مطر مطر مطر

قلت مالك
 ماتخافيش

قالت
 يابابا بلاش سفر

لاعمري خفت من الرعود
ولاخفت عمري من المطر
 ومطر مطر مطر

ايه الحكايه
 يا كل عمري

قوليلى ليه
 مش عاوزه السفر

قالت يابابا بخاف
 كل ماالقاك مسافر

وبحس ف كل مره
 انك عننا مهاجر

مهاجر
مش راجع تانى
 زي جارنا حسين

اللى
فات كل الأمانى
 وسافرمن سنين

سافر
يجيب الأغانى
اللى
 ضاعت من سنين

لارجعت لينا الأغانى
 ولارجع لينا حسين

ياحكام العالم
ياللى
 ف إيديكو الكلام

اسمعوا
صرخة بنتى
بتنادى على السلام
ومطر مطر
 مطر مطر مطر

خايفه
عليك يابابا
 ومن سفرك الجديد

لا ينادوا
عليه بكره
 ويقولوا بنت الشهيد

وكام شهيد يابابا
 ضاع تحت المطر

وكام بنت غيري
 بيخوفها السفر

لا بترجع الأغانى
 ولا بيسكت المطر

ياحكام الدنيا
يااللى
 ف إيديكوا الكلام

إسمعوا
صرخة بنتى
 بتنادي على السلام

بتخاف
من المطر
بتخاف
من السفر
بتخاف
من كل حاجه
 حتى من الكلام

كفاياكم دمار
كفاياكم كلام
عيِّشوا ولادنا
 وف قلوبهم سلام.

ودا ابني الصغير
لساه ..
 مولود جديد

معرفش
ليه بيبكي
 ومنين عرف التنهيد

لاضحك ليه مره
 ولا يوم شفته سعيد

من يوم
ماجانا الدنيا
 دموعه دايما تزيد

وكأنه
قبل ما ييجي
 كان عايش سعيد

والنهارده بيندم
 على مشواره الجديد

ومطر مطر مطر
يا حكام الدنيا
 ياللي معاكوا الكلام

إسمعوا
صوت الوليد
 بينادي على السلام

رجعوا للمولود
 من تاني الابتسام

خلوه
يعيش حياته
بالحب وبالسلام
ومطر مطر
 مطر مطر مطر

ودا صوت الشهيد
 بيجلجل في القبور

إنسوا مطركم
وخلوا
 السما تمطر زهور

خلوا
الزمان يزرع
 بدال الضلمه نور

خلوا
السلام يغني
 في حناجر الطيور

خلوا
الأمل يزرع
 كل الصحرا زهور

ياحكام العالم
ياللي
 ف إيديكوا الأمور

سامعين
صوت الشهيد
 اللي جي من القبور

وبدال ماتقيدوا النار
 إملوا الدنيا بالنور

موسى وعيسى ومحمد

قالوا عيشوا المحبه

قالوا عيشوا بالنور

*******************
قلم ومشاعر
" محمد وهبي الشناوي "